الرئيسيةالتسجيلدخولالتسجيل
اهلا وسهلا بك ضيفنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمــات، بالضغط هنا كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

شاطر | 
 

 أهداف المجلة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
امح
عضو مميز
عضو مميز


المشاركات : 320
بلدى :
ناديك المفضل :
مزاجى :
نجمك المفضل :
الدعاء :

مُساهمةموضوع: أهداف المجلة   18/1/2009, 11:21 pm

وحدة كل معجبي عمرو دياب في عمل واحد يفخر كل واحد شارك فيه إنه حط فيه حرف.
- طرح فكر الأعضاء عن الحياة بشكل محترم موضوعي لأن عالم عمرو دياب بأعضاءه جزء من المجتمع العربي و فيه شريحة مهمة جدا من العالم العربي ، جه الوقت اللي صوتها يطلع فيه بشكل أحسن للعالم.
- تحسين قدرة الأعضاء علي التعبير عن نفسهم بشكل أفضل.
- إيجاد منفذ إحترافي لمواهب الأعضاء المتعددة و صقلها و تنميتها و فتح باب جديد للإبداع وسط الأعضاء.

خطوط عريضة للمجلة :-
----------------------
- المجلة لن تطرح أي شئ عن عمرو دياب شخصيا / فنيا سواء أخبار أو أي كلام عنه ,لأنها ببساطة من الأعضاء للأعضاء فقط.
- اللغة المستخدمة في المجلة هي اللغة العربية العامية و يفضل اللكنة المصرية لتكون مفهومة من الناس كلها.
- الإصدار إصدار شهري بقسم " إبداع المعجبين - fans creations ".
- الإصدار إصدار إليكتروني في الموقع فقط و إن كان عندي حلم بإصدارها مطبوعة !! " قولوا يا رب "
- المشاركة مسموحة لكل أعضاء الموقع بشرط إنها تكون باللغة العربية.
- جميع أنواع المواضيع المطروحة في المجلة هي وجهات نظر أصحابها " شخصية و خاصة " و ليس لها علاقة بعمرو دياب و لا موقع عالم عمرو دياب و لا فريق إدارته و لا تعبر عنهم بأي شكل من الأشكال.


أبواب المجلة المقترحة " قابلة للتعديل " مع أسماء الأعضاء المقترحة إنهم يكتبوها :-
-------------------------------------------------------------------------------

- مقال بعنوان - ( نقطة البداية ) : حنفتتح بيه المجلة إن شاء الله : بقلم : محمد طنطاوي ( أو ) وليد مصطفي.

- باب بعنوان : ( حكايتنا ) : " يحتوي علي قصة - قصتين قصيرتين من خيال صاحبهم أو من الواقع " : بقلم شهد عمرو دياب أو شيماء أو مروة " ميس بسكوتة " أي حد عنده إستعداد إنه يكتب حاجة كويسة في حالة رفضهم.

- باب ( سباق النجوم ) : مقال بقلم " أشرف - لما كان " عن أداء الأعضاء الشهري في المنتدي و تحليل لنتائج السباق اللي حيتم بشكل دوري كل 3 شهور في المنتدي و لأن كل الأعضاء نجوم فلازم يلاقوا رعاية خاصة من المجلة بتاعتهم و تبقي مرايتهم الأولي و نافذة يشوفوا بيها أدائهم في بيتهم عالم عمرو دياب.

- باب ( ما لا تعرفه عن ) : حيتكلم عن عضو من الأعضاء بطريقة فيها شبه من البرنامج الشهير " حديث البورد " : و طبعا صاحب الفكرة أولي بيها : شريف " مستر إكس " و أنا بأرشح أشرف - لما كان يساعده في وضع الأفكار الجديدة للموضوع ده و لهم حرية التغيير فيه بالطريقة اللي تريحهم و أي عضو عاوز يشترك في إعداد الباب ده .. يا ريت يتفضل يقول في الموضوع هنا.

- باب ( فضفضلي ) : بقلم أي عضو عنده مشكلة .. عاوز يفضفض بأي شئ يخطر علي باله .. مشكلة شخصية .. قضية مضايقاه .. موضوع كاتم علي نفسه .. بيحب و عاوز مشورة .. قصة حصلت له و محتاج رأي أو مشورة .. إبعت لي و أنا حأنشر رسالتك بالكامل و معاها تعليق صغير مني جايز يساعدك في حل الموضوع اللي مضايقك أو يخفف عنك و الأعضاء كلهم حيردوا عليك برأيهم في قصتك .. أهو تفيد بعبرة للناس و تستفيد برأي الناس جايز يساعدك .
" رجاء خاص - من أجل السرية في الباب ده - الشخص اللي حيبعت أي قصة أو حاجة شخصية .. يحط أسماء مستعارة لأطراف الموضوع اللي هوة عايشه و أنا أقسم له / لها إن الموضوع لن يتم سرده علي أي شخص و حأرد بإستخدام الأسماء المستعارة الموضوعة في القصة عشان منحرجش حد من الأعضاء ".

- باب ( في بحر الكلام ) : باب لمشاركات الأعضاء من الشعر و الخواطر القصيرة : بقلم أي عضو عاوز يشارك من شعراء المنتدي أو اللي شايف في نفسه موهبة.

- باب ( شباب علي طول ) : بقلم : عمريلو ، مايكي ، ميكرو مود ، ليلي نهاري و أي عضو عاوز يتكلم عن قضايا الشباب أو المواضيع اللي بتهم الشباب أوي و بتمسهم.

- باب ( أنا و الحياة ) : و ده عبارة عن فقرة بسيطة .. جمل بسيطة .. عدة كلمات بسيطة تحمل من المعاني الكثير عن أي شئ بيدور حوالين الأعضاء في المجتمع .. في الحياة .. في الأخبار .. ممكن تكون جد و ممكن تكون ساخرة بس اللي يفهمها ...
و المرشح لكتابتها : شريف " مستر إكس " و محمد كريم و العبد لله و أي حد شايف إنه ممكن يكتب حاجة كويسة و موجزة.

- مقالة ( لحظة أفكار ) : ده مقال بقلمي حأطرح فيه حاجات كتير غير محددة .. متهيألي إن مكانه يكون في أخر المجلة .. بإذن الله حأحاول علي قد ما أقدر إني أخلي كل واحد يفكر و يراجع نفسه في الحياة بكل مبادئها .. و الله المستعان.


إزاي تشترك في المجلة بمشاركة أيا كان نوعها ؟ ( نظام الإشتراك ) :-
-----------------------------------------------------------------
- إختار جزء من الأبواب المطروحة في المجلة و إكتب فيه بنفسك و غير مسموح بإستعارة المقالات المكتوبة علي النت أو نسخ القصص اللي علي النت و نرجو من الناس اللي حتشارك يكون إبداعها من مخها 100 % و يجوز الإستعانة ببعض المواد الخارجية إذا لزم بس.

- يتم إرسال كل المشاركات قبل يوم 28 من كل شهر ميلادي إلي رئيس التحرير في رسالة خاصة و هوة اللي حيتولي إعداد العدد بالكامل و طرحه في المنتدي في أول يوم من كل شهر.

- المشاركة المرسلة من أي عضو لازم يكون لها عنوان و يكون صاحب المشاركة محدد الباب اللي عاوز ينزلها فيه بشكل واضح و محدد.

- إذا تم رد المشاركة ( إعادة إرسالها ) إلي العضو المشارك من رئيس التحرير تعتبر مرفوضة / غير لائقة للطرح في المجلة.

- في حالة زيادة المشاركة في باب من أبواب المجلة .. يتم نشر المشاركات الزيادة تباعا في الأعداد القادمة من المجلةو يتم النشر طبقا لتاريخ وصول المشاركة .. يعني المشاركة اللي حتوصل بدري حتتنشر الأول.

----------------------------------------------------------------------------------
تم موضوع الخطوط الرئيسية لمجلة عالم عمرو دياب

توضيح هام
-------------
الموضوع اللي فوق ده مطروح بالكامل للنقاش

الأبواب المطروحة في المجلة بالأعضاء اللي حيكتبوها قابلة للتعديل بالكامل طبقا لرأي الأعضاء و الأغلبية .. (( ماعدا " نقطة البدابة و لحظة الأفكار " دول إن شاء الله أساسي في المجلة و أصحاب الأبواب جاهزين للعمل فيهم )).

من حق أي عضو أنا طرحت أسمه في أي باب من أبواب المجلة إنه يعدل / يحذف نفسه يزود لنفسه مكان في أحد الأبواب الأخري و يحط نفسه في الباب اللي حيؤدي فيه أداء متميز .
و اللي شايف إني أخترته في المكان الصح .. يقول و يبتدي شغل من دلوقتي في مقالاته / شعره / تحليله.

الحد الأقصي لمشاركات أي عضو ثلاثة أبواب من المجلة " شهريا ".. و ليس هناك حد أدني ..
يعني مفيش عضو حيتنشر له أكتر من ثلاث مشاركات في كل عدد.

فيه أعضاء كتير أنا لم أطرح أسمائهم صراحة في أي باب .. لأني لم أستطع تحديد دورهم أو إيه اللي ممكن يكتبوا فيه في المجلة .. ف أي عضو عنده موهبة الكتابة و عاوز يشارك .. يا ريت يرد في الموضوع هنا و يقول إنه عاوز يكتب في أي باب من الأبواب المطروحة .. و لو عنده فكرة كويسة ... أو عاوز يضيف باب من الأبواب و هوة يكتب فيه .. مفيش أي مشاكل .. يا ريت يرد و كل الأعضاء تقيم إقتراحه عشان نوصل لأبواب ثابتة في المجلة و صيغة نهائية للإصدار

الموضوع ده ضخم و محتاج ناس عندها إستعداد تشتغل بجد و عاوزة تستمر ..
فرجاء الناس تناقش الموضوع بالراحة و كل واحد يشوف إمكانياته و يبدع في أفكاره و يناقش الناس في الموضوع هنا لحد ما نوصل لصيغة نهائية ..

الموضوع ده مفتوح للنقاش لحد منتصف الليل يوم 10 فبراير 2006 و بعد كده حيتم الإعلان النهائي عن الأبواب الرئيسية في المجلة و الناس اللي حتكتب في كل باب و كل واحد يبتدي يشتغل و يبعت شغله النهائي قبل يوم 28 من فبراير و حينزل أول عدد إن شاء الله يوم 1 مارس 2006

متأسف لطول الموضوع .. بس ده فيه كل التفاصيل بعمل ضخم ..
أتمني يلاقي دعم " لو الفكرة عجبت الأعضاء و لو فيه أي إستفسار أو أي حاجة مش مفهومة في الموضوع .. أنا موجود للرد علي الأسئلة ..



شكرا جزيلا
الرجوع الى أعلى الصفحة اذهب الى الأسفل
 
أهداف المجلة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملك القلوب :: مكتبة الملتيميديا :: منتدى الاغانى العربيه-
انتقل الى: