ملك القلوب
المــدير
المشاركات : 654
بلدى : 
ناديك المفضل : 
مزاجى : 
نجمك المفضل : 
الدعاء : 
الاوسمه : 
 | موضوع: ذكريـــــات......  11/10/2008, 6:58 pm | |
| الســـلام عليكــم ورحمة الله وبركــاته
كيف اخباركم عساكم احسن ومستانسيــن <<< اقول لا يكثر
كل عام و أنتم كويسين وعيدكم مبارك وحجكم مبرور وزواجكم مبارك وعساكم من عواده وصياما مقبولا<<< اخلص عاد
صبــاكم ,, مسائــكم ذكريـــات أيام زمان
أيام التسدح عند القناة الاولـــــــى خارج نطاق المذاكرة!!!
اليوم حبيت اسدح لكم عن القناة الأولى وما ادراك ما القناة الاولى
ايه ايه ذكريات >>> تكفى يالشايب هع
يوم كنت فرفور صغنون كنت اقوم من صبــاح الله
واسحب فراشـي واتسدح عند التلفزيووون
وانتظر تفتح القناة الأولى واقعد اتفرج بالالوان
أكيد تذكرونهـا (( أبيض ,, وأصفر,, وازرق,, واحمر,, وفسفوري يفقع العيون )) خخخخخ
أجلس انتظر القــرآن يخلص
واذا بدا الكرتووون أرووح فيها وتبدأ العنوووون تتفتح والسعابيل تتناثر خخخخ
المووووهييييم وبما اني مدمن افلام كرتون ايام الطفووله ولي ذوقي الخاص >> امحق ذوووق خخخ
اخترت لكم بعض الافلام اللي حفظتها صم من كثر ما شوفها
<<<<شكله للحين يتسدح عليها
----------------------------------------------------
(( الكابتن ماجد ))
مدري وشلون يتشقلب في الهوا كم قلبه وبعدها يسدد الهدف
ويطيح عالارض ومايجيه شي ولاحتى ينجرح هع هع
يقطع ابو ابليسه كل ماحاولت اسوي مثله بالكوره الا ووجهي عالارض
والا حركة التوأم منير وأنور
قسم قسمات كأنهم قرووود ماغير يناقزون على عوارض المرمى خخخخ
<<< استغفر الله العظيم بس>>> من زود الكذب هع هع
بس احلى شيء اننا عارفين انه فايز فايز بالمباراه
حتى لو بأخر ثانيه يسجل ثلاث اهداف المهم يفوز
بس والله كنت اتحمس معه تحمس مو طبيعي واقعد من الحماس اتضارب مع اللي معي
نشرت أحد الصحف بأن تسمية الكابتن ماجد بهذا الاسم ..
هو على اللاعب الآسيوي الأول ماجد عبدالله
فلم يجدوا من يستحق أن يسمى عليه أكثر من هذا اللاعب الفذ >>>> معلومات خارجيه خخخخ
----------------------------------------------------
نجــي لــ (((( بشـــــار ))
هالمفهي اسميه ( بيض عيووون) جابلي الضغط وانا صغير
على كبر عيوونه امه تمر من جنبه ومايشووفها
وانا عاد من زود الحماااس اصااااااارخ اقوله امك وراااك ياغبي التفت
<<<الي يشوفه يقول بيسمعه الحين بشااار هههههههههه
والله (90) حلقه وهو يدووووور امه ماصارت
وتحذير: لاصحاب القلوب الضعيفة
في حشرة خضرة لابسة باروكة, ايديها زي السيوف ..تخوف .. الحذر الحذرهع هع
ولا أغنيته شي ثاني دائما كنت معلق عليها
((( بشار يا بشار هيا الى العملِ اجمع ندى الازهار من روضة الامل ِ)))
----------------------------------------------------
نجــي لبنت الجبل
(((( هــايـــدي ))))
عاد هاذي اللي صدق بعدو عني اذا جت اخش جووو بقووه
هايدي فتاة جبال الألب والعنزااات والخرفااان
وهالبيتر اللي دائما يركض
كـــلير <<المشلوله الحمدلله ابشركم مشت هههههههههه
وجدها الشديد اللي دايم يسوي خبز وجبن >>> حبت الجبن منه هع هع
<<بس اخر الايام هجدت شياطينه صار وش زينه ههههههههههه
وجدة بيتر العجوز المنتهيه
ولا تهون عنزتها ويكي ارنب مو عنزه من كثر ماتنطط هع هع هع
بس تقهرني هايدي اذا فصخت الحياء و فصخت فستانها وراحت تناقز
مع بيتر فوق التلال بشلحتهـــا >>> وخزيــــاه ههههههههه
----------------------------------------------------
(((عدنان ولينا))) وعبسي خخخخخ
<<< ياعيني عالرومانسييييه يانااس وهـع ارووووووووح ملح انا معهم
عدنان ذا الي من اول حلقه ماغييير لبسه واخر حلقه تكشخ وجاب العيد ههههههه
ولا مسوي الرجل الغوار ويطيح من فوق لتحت ولايصير له شي
>> يقطع ابو الجسم اللي كذا هع هع هع
والا صديقه عبسي عليه حركتات نص كم
واللي يقرف فيه لاقعد لعب مع خنازيره وضفدعه اللي مدري وش يبي خخخخخ
والله يا ويل قلبي على المغامرااات
لولا اصبع رجل عدنان االي كان يكتب فيه ويدخله في خشمه
<<<هع هع الله يقرفه هههههههههههه أشوى باقي ما أفطرت ههههههه
ولينا ذي الحساسه مسويه فيها
وعلام الشرير اكره هو وجهه المربع ههههههههههه
----------------------------------------------------
اخر شــي
((زينه ونحــول ))
ياحلو زينه حبوووبه ونحله مثابره وتحب الخير للجميع هع هع
ولا اخوها نحول اذا جاء يتكلم
على طول اصك اذاني من كثر ما أسمعه (( ذينه ذينه انني جائع )) هع هع
بس والله كان خطيـــــر..
----------------------------------------------------
الله يالدنيا الحين كبرنا <<<ويا حبنا للحش عاد والتقطيييع خخخخ
اما الحين القناة الاولى مانقرب حولها
ماغير طايحين بسبيس تون وام بي سي 3 هع هع
<<< أشوى انك ماتقرب حولها خخخخخ
المهم مالكم بالطويله بس حبيت اعيد ذكريات الماضي
وايــام الطفوله التي لن ولم انساها ولا راح انساها ابدا<<< لايكثر اخلص
وعاد سامحونا على القصور والليمون المعصوور ههههههههههه
وســـلامتكم ولكـــم تحيـــاتي | |
|
